Terma të huazuar nga anglishtja Anglishtja po ushtron një ndikim të madh në fushën e shkencës dhe të teknikës jo vetëm të shqipes por edhe të gjuhëve të tjera. Një term i njohur i huazuar prej anglishtes në shqipe është termi laser, që sipas gjuhëtarit Leka duhej të ishte përfshirë në Fjalorin e Gjuhës Shqipe pasi ka hyrë në termat e fizikës dhe ka shtrirje ndërkombëtare. Në Fjalorin e Gjuhës Shqipe anglicizmat e përfshirë janë të paktë dhe janë kryesisht terma nga fusha e sportit, teknikës,tekstilit, politiko-shoqëror, të tillë si: slogan, nokaut, standard, snajper, skeç etj.