تمام هسة أني راح أبدي هنانة اكتب عن مالتي النص, شنو الهدف مالتي؟ انه اخليك تصير اسرع بالكتابة. فراح اخذك بجولة حلوة وياي بالكتابة بعشر أصابع. بس دير بالك, ترة اني همات أحط همزات, وسوالف, وحركات منا مناك حتة أشوف شكد أنت نبه, اتفقنة؟ يا ألله, اولا, اني أحب اباع عالغيوم, و في بيتنة أكو بيتونة حتة نباع الغيوم منهة. المنظر راح يكون خلاب من فوك. ثانيا, اني حاليا مزاجي موكلش زين, مادري شكلك, نص ونص, وكأنه شوية ضايج. ثالثا, أحب اكتب بعشر أصابع, ومو بس هيج, هذا الشي انطاني كردت. شلون؟ مرتين الدكتورات مال السمول كروب اجوي كالو واااااو هذا شنو تكتب سريع, فشوف شلون تحصل بونس ابلاش, يعني صراحة الكتابة بعشر اصابع فدشي اسطوري, يعني هم تسهل عليك الحياة والقراية, هم تطيك بونس, هم تجذب أنتباه, هم تكدر تسجل معلومات, هم تكتب يوميات, هم تكدر تسوي بيهة فد نص تحشيشي مثل هذا إلي اني كاعد اسوي حاليا, صراحة مبروك انه انت هنانة كاعد تتدرب معي, احمد علي. إلا إذا انت اصلا كاعد تكتب بالموبايل, وهذا شي مستبعد, لأن مستحيل واحد بالموبايل يكتب هلكد. صراحة هو أني بديت امل من الكتابة, والي أني المفروض مدربك, مو هالدور أنت, فمبروك صراحة على إنجازك هذا النص الطوييييل, وأتمنة انه تونست بوقتك وياي, اني احمد علي, باي... ها صدك, تذكرت انه ماخليت هواي كلمات بيهة همزة ليجوة, ولهذا راح اسوي هيج الك, بس هيج خباثة... إبهام, إبهام, إبهام, إنتصار, إنتصار, إنتصار, إي إي إي, إني قادر, إني قادر, إني قادر.,